Travel Stock - Jeykhun İmanov Studio-nun PAŞA Travel ilə olan birgə layihəsidir.

Məqsədimiz vətəndaşları Azərbaycan, onun rayon və şəhərləri haqqında maarifləndirmək və nəticədə ölkəmizdə turizminə müsbət təsir göstərməkdir.

Azərbaycanımızın bir çox turistləri və qonaqları, bəzən isə hətta yerli sakinlər ölkəmizdə gəzməyə yalnız bir neçə tarixi yerləri bilirlər. Əslində, dövlətimizin hər bir rayonu və şəhəri ərazinin tarixini və ləzzətini çatdıran unikal və maraqlı yerləri ilə seçilir.

Ona görə də biz “Travel Azerbaijan Stock” adlı layihə hazırlamaq və ölkəmizin bütün sərvətlərini təsvir etmək qərarına gəldik.

Biz Azərbaycanın müxtəlif şəhərlərində məşhur memarlıq abidələrini, binaları, yerləri təmsil edən onlayn  illüstrasiyaları bazası hazırlayırıq. Bu illüstrasiyalar bütün platformalarda istifadə və paylamaq üçün müxtəlif formatlarda mövcuddur.